चला प्रगतीकडे

 "आम्ही शाळेची प्रतिज्ञा रोज म्हणतो, पण ती हृदयाच्या गाभ्यात झिरपत नाही. मात्र, दुसरीच्या लहानशा वर्गात त्या प्रतिज्ञेचा जीवंत अर्थ साकारलेला दिसला. आज, सिद्धार्थच्या गुडघ्यास थोडीशी इजा झाली तेव्हा वर्गातील मुलींच्या संवेदनशीलतेचा जणू झरा वाहू लागला. एका जखमेवर औषध ठेवण्यासाठी त्यांचे छोटेसे हात धावत प्रथोमोपचार पेटीकडे पोहोचले. त्यांच्या त्या कृतीत मनोमन माणुसकीची गोड झलक दिसली. या वर्गातल्या बाळगोपाळांचे बंधुत्व तर अनमोल आहे. डब्बा न आणणारा कुणी असेल, तर इथे कोणीही उपाशी राहत नाही. स्वतःच्या डब्यातील अन्नाचा कणकण वाटून, हे लहान जीव मित्राच्या पोटाची सोय करतात. भुकेच्या रेषेवर मैत्रीची सावली पसरवतात. खरं तर, हीच खरी मानवतेची शिकवण आहे. माणूसकीचा हा नाजूक धागा लहानशा वर्गात विणला जातोय, त्याला जोपासले तरच आपलं भवितव्य उजळेल. या निरागस बंधनातच भविष्याची खरी मुळे दडलेली आहेत, ती अधिकच बळकट करण्यासाठी आपल्यालाही प्रयत्न करायला हवेत."

 

 *आज आपल्या वर्गातील कु. लक्ष्मी माने या विद्यार्थ्यींनीने जुन्या काडीपेटीच्या बॉक्स पासून अतिशय सुंदर अशी रेल्वे बनवली होती.  लक्ष्मीचे खूप खूप कौतुक. ....*👏👏👏👏

 

 *जिल्हा परिषद प्राथमिक केंद्रशाळा, फुलचिंचोली ता.  पंढरपूर  जि. सोलापूर येथे इयत्ता दुसरीच्या वर्गात क्राफ्ट ( कागदकाम) बाबत शिकविण्यात आले. विद्यार्थ्यांनी कागदापासून छान क्राफ्ट बनवले.* *विद्यार्थ्यांनी अतिशय आनंदाने कागदकाम केले. नवनिर्मितीचा आनंद घेतला.*

 *वाढदिवस अभिष्टचिंतन 🎉🎁🎂🎈जिल्हा परिषद प्राथमिक केंद्रशाळा फुलचिंचोली येथील इयत्ता दुसरीच्या वर्गात आज शिवप्रताप याचा वाढदिवस साजरा करण्यात आला.🎂🎂🍫🍫💫💥* *म. गांधीच्या जीवनावर आधारित भाषण करणा-या अर्णव वसेकर व संबोधी प्रक्षाळे यांना बक्षीस देऊन अभिनंदन करण्यात आले.🎨👏👏* *कु. धनश्री गायकवाड या विद्यार्थ्यींनीने अतिशय सुंदर पत्रलेखन करुन आणल्याबद्दल तिचेही बक्षीस देऊन अभिनंदन करण्यात आले.*🖊️🎤 *मधल्या सुट्टीतील वेळ अभ्यासात घालवणारे विद्यार्थी चि. रुद्र, संबोधी, श्रावणी व विश्वकरण यांचेही अभिनंदन करण्यात आले.*👏👏👏👏